Real Madrid, Bayern kuonyeshana ubabe Tuesday, April 18, 2017

Hispania. Gareth Bale amesema kwamba Real Madrid imenogesha Ligi ya Mabingwa Ulaya kutokana na bingwa huyo mtetezi kutengeneza njia ya kucheza nusu fainali.

Real Madrid  ni klabu iliyofanikiwa katika historia ya mashindano ya Ulaya, kutokana na kutwaa ubingwa kwa mara ya 11 msimu uliopita.

Madrid imejitengeneza njia  ya kwenda hatua ya nusu fainali baada ya kuilaza Bayern Munich kwenye mchezo wa kwanza wa robo fainali. Pia mchezaji Bale aliye gumzo kweye mashindano ya Ulaya, ataongoza safu ya ushambuliaji kwenye mchezo wa marudiano utakaofanyika leo Jumanne usiku.

“Real Madrid imekuwa ikileta ushindani. Klabu hii imeshinda ubingwa mara 11 na hakuna timu yoyote liyofikia rekodi hiyo,” alisema Bale alipokuwa akihojiwa na mtandao wa AS Diario.