Ukweli Bifu la Man Fongo na Prodyuza wake

Msanii ambaye pia ni producer wa Defatality Mesen Selecta pamoja na msanii wa kisingeli ambaye pia ndiye Msanii Bora Chipukizi katika Tuzo za EATV, man Fongo, inasemekana kuwa wawili hawa wana bifu.

eNewz ilimtafuta Mesen Selekta ambaye amesema hawezi kulizungumzia suala hilo kwa sababu ni la kiofisi zaidi lakini akaweka wazi kuwa Man Fongo hana mahusianao mazuri na uongozi wa Defatality Music. 

"Kikubwa ni kwamba Man Fongo hana mahusiano mazuri na uongozi wa Defatality lakini pia hakuwa na mkataba na sisi ila alikuwa chini ya Makers Entertainment ambapo ndipo na kwa sasa hayupo tena chini ya Makers Entertainment ndiyo maana hujasikia tena nyimbo kutoka kwetu" Alisema Mesen.

Pia producer huyo amefunguka kuhusu kumpiga vijembe kwenye ngoma alizotengeneza ambapo amesema "Kuhusu kumuimba kimafumbo hilo ni suala la kawaida na sisi tunatengeneza ngoma tu na tunamsikiliza msanii mwenyewe anataka nini ndiyo tunafanya"

Pia Mesen Selekta ametoa ushauri kwa wasanii na kusema kuwa ni bora wasanii wawe na management hilo litawasaidia sana katika kukuza muziki wao.